1972. urtetik abegi ona, lana eta elkartasuna

Lanean eta gizartean elkar ulertzeko beste esparru batzuen alde egiten dugu, non pertsonak, ekitatea, justizia eta ingurumena lehenesten ditugun.

Ingurumenari eta gizarteari atxikiak

Ekonomia Zirkularrean aitzindariak, gure lana da gure bizibidea: gure dendetan salgai jartzen ditugun objektuak eta materialak bildu, berrerabili eta birziklatzen ditugu.

Beltzuntzeko Emaus Komunitatea

Bizitza zein lana partekatzen ditugu elkar zaintzeko eta besteri laguntzeko.

Nafarroako Emausko Trapuketariak

Aurkezpena

320 lagun baino gehiagoko taldea gara, zailtasunetan bizi diren pertsonei lekua egitea eta mundu bidezkoago baten alde egitea lehenesten dituena. Gure forma juridikoa irabazi asmorik gabeko Fundazioa da, Txertatze Enpresa gisa S.M. bat biltzen duena.

Gure dendetan salgai jarriko ditugun objektuak biltzearen eta berrerabiltzeko zein birziklatzeko prestaketaren bidez lagun desberdinen laneratzea errazten dugu. Komunitatea da kolektiboaren bihotza. Villa Simona gure lehen etxea izan zen 1978an, eta ondoren Beltzuntzera joan ginen bizitzera, orain hogeitamar trapuketari bizi direlarik bertan. Emaus Mugimenduko kideak gara, Abbé Pierrek Frantzian sortua eta gaur egun mundu osoan 400 talde biltzen dituena.

Informazio gehiago

Gure

Zerbitzuak

"Emaus ez da azaltzen,
bizi egiten da"

Abbé Pierre

Ekonomia Sozial eta Solidarioa

Ekonomia Sozial eta Solidarioaren printzipioetan oinarritzen gara: ekitatea, justizia, elkartasuna eta ingurumena.

Askeak eta buruaskiak gara

Gure lana da gure bizibidea. Ez gara bizi kanpoko diru-laguntzen baitan, geure lanetik baizik.

Aniztasuna, gure aberastasuna

Harrera norberaren hautuak begirunez hartuz egiten da, arraza, jatorria, genero, sexu, erlijio edo ideologia, guztiak berdin.

Lan banaketa eta soldata ekitatea

Gure lan jarduna murriztu ohi dugu lagun gehiagok lan egiteko. Gure soldatak parekoak dira lankide guztientzat.

329

Lagun

38

Jatorrizko herrialde

45.220

Etxez-etxeko bilketa urteko

14.360.877

Kilogramo berreskuratuak urteko

Berrerabiltzeko eta Birziklatzeko Prestaketa Gunea

BERRIOZARko BPG berria Nafarroako Hondakinak Kudeatzeko Plan Integratuan aitortutako eredugarria da.

Trapuketarienean objetu desberdinak jaso eta berreskuratzen ditugu, haien bizi-ziklo baliagarrira itzularaziz. Gure lanari, Nafarroako Gobernuaren bultzadari eta mankomunitateen aintzatespenari esker 20.000 m2 inguruko gune bat eraiki dugu, objektuen berrerabilpena areagotu, jendea sentsibilizatu eta enplegua sortzea sustatzeko.

Gure BPG ezagutu

Ekonomia Zirkularra

Berrerabili eta birziklatzea

Altzariak

2025an 5.629.357 kg altzari bildu ditugu, horietako % 75'2 berreskuratuz.

TEEH

2025an 3.631.915 kg TEEH bildu ditugu, horietako % 99'0 berreskuratuz.

Berrerabiltzeko bildutako arropa eta oinetakoak

Ehunak/Oinetakoak

2025an 3.091.915 kg ehun-gai eta oinetako bildu ditugu, % 77'2 berreskuratuz.

Berrerabiltzeko bildutako bitxiak eta liburuak

Bitxiak/Liburuak

2025an 597.105 kg bitxi eta liburu bildu ditugu, % 69'9 berreskuratuz.

BERRIOZARko Azoka

Objektuei bigarren bizitza bat emateko espazio hurbila.

1.500 metro karratuzko azoka, non objektu bakoitzak bere lekua duen eta erraz aurkitzen den. Arropa, altzariak, etxetresna elektrikoak, jolasak, bitxiak, liburuak, etxeko hornidura, kirola eta... askoz gehiago!

Gipuzkoa Etorbidea 11, 31013 Berriozar.
Asteartetik larunbatera 10:00etatik 13:30etara eta 16:30etatik 19:30etara.

Bisita gaitzazu

BELTZUNTZEko Komunitatea, Hazkuntza Eskola

Beltzuntzeko Komunitatea berekoikeriaren eta jabego pribatuaren aurrean gure erreferentzia alternatiboa da. Bertan ez dute lekurik ez bazterketak ez klase sozialek ere.

Honakoa pertsonaren garapenerako gunea da, norberaren zailtasunen kontzientzia hartzea eta talde bizitzan zein lanean parte hartzea ahalbidetzen duena. Komunitateko kide izatea aukera librea da, eta eskubide nahiz betebeharrak ditu berekin.

Ezagutu gaitzazu